Sumala ni Dr. Michelle Schlosser, tigpamaba sa Davao City COVID-19 Task Force, kagahapong adlawa (July 6, 2022), anaa sa 30 ka COVID-19 cases ang natala sa syudad hinungdan nga nisaka usab sa 6.3% ang positivity rate.
“Kung mag-double digit man ‘ta, usually naa lang siya sa between 10 to 20 (cases). Karon kay medyo nagataas gyud sya. We have to admit that our (COVID-19) cases are actually increasing,” sulti ni
Schlosser.
Matud ni Schlosser, niadtong June 26 hangtud July 2, anaa lamang sa 5% ang positivity rate ug karon nga semana mo-average sa 6% ang positivity rate matag adlaw.
Nagpahinumdom ang health official sa Davaoeños, sundon ang minimum public health standards batok COVID-19 ug magpabakuna, aron dili usab mapahugtan ang COVID-19 Alert Level sa dakbayan.
RadyoMaN Kirby Manzon
