Davao COVID-19 TF: Rollout sa sa 5-11 years old vaccination andam na, guidelines ginahulat pa

Davao City – Gihulat na lang sa City Government of Davao ang guidelines gikan sa Department of Health (DOH) alang sa himuong vaccination batok Coronvirus Disease 2019 (COVID-19) alang sa 5-11 years old.

Matud ni Dr. Michelle Schlosser, Spokesperson sa Davao City COVID-19 Task Force (sa interbyu sa city-owned radio), preparado na ang logistics ingon man ang manpower alang sa maong rollout diin i-incorporate o himuon gihapon ang pagbakuna sa kasamtangang vaccination hubs sa dakbayan.

“What we are waiting lang naman from the Department of Health (DOH) is ang guidelines. Again, dili gyud ta maka-rollout without the guidelines from the DOH. It must be according to the guidelines,” sulti ni Schlosser.

Gitakdang himuon ang pilot run sa 5-11 years old vaccination karong Biyernes (Pebrero 4, 2022) sa National Capital Region (NCR), alang sa first phase.

Human sa usa ka semana, i-expand kini sa Metro Manila ug ubang rehiyon alang sa second phase.

Nasayrang una nang gibakunahan ang 12-17 years old diin sa pinakaulahing datos sa National Task Force (NTF) kapin 7,000,000 na sa maong age group ang fully vaccinated batok COVID-19.

RadyoMaN Kirby Manzon

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>