Davao City – Gipaniguro ni bag-ong Task Force Davao (TF Davao) Commander Colonel Darren Comia nga padayong protektahan ang syudad sa Davao batok sa unsa mang hulga sa terorismo.
Sa interbyu sa DXDC RMN Davao kang Col. Comia, gibutyag niini nga iyang gidawat ang hagit gikan ni Davao City Mayor Sara Duterte-Carpio pinaagi sa pagdawat sa responsibilidad isip bag-ong lider sa TF Davao puli ni Col. Consolito Yecla.
“First week, medyo excited na medyo nacha-challenge labi na gyud ‘tong pananalita ni ma’am Sara (Mayor Sara Duterte-Carpio), kadtong giingon niya nga mga messages kadtong nag-turn over (ceremony), but I will accept the challenge,” segun ni Comia.
Matud ni Comia, ipadayon ug pakusgan pa sa TF Davao, ang kasamtangang kampanya ilabi na ang ‘Culture of Security’ campaign nga “May Nakita, Dapat Magsalita” ug uban pang anti-terrorism initiatives sa dakbayan.
“I see a very good plan and I think what we will be doing is to strengthen it (anti-terrorism strategies), enhance it probably down to the lowest organization ng ating society which is the puroks. We are currently grafting a new tactic, strategy how to advocate this culture of security (campaign),” sulti ni Comia.
Panawagan sa TF Davao Commader sa Davaoeños ang kooperasyon sa kampanya sa TF Davao ug lokal nga gobyerno batok sa terorismo pinaagi sa pag-report sa mga kadudahang butang o indibidwal sa palibot.
RadyoMaN Kirby Manzon
