Davao de Oro – Gipailawom karon sa Localized Enhanced Community Quarantine ang NHA Damsite Resettlement Housing Area sa Barangay Union, Monkayo samtang hard lockdown ang gipatuman sa Barangay Kidawa, Laak, Davao de Oro.
Sumala sa IATF Davao de Oro, gipailawom sa managlahing matang sa quarantine ang duha ka Barangay nunot sa pagtaas sa ihap sa mga residente nga apektado sa COVID-19.
Tumong sa maong lakang mao ang aron malikayan ang padayong pagkuyanap sa local transmission.
Gihangyo sa IATF ang katawhan nga sundon ang health protocol alang sa kaluwasan gikan sa balatiang makamatay.
RadyoMaN Jules Catisay
Facebook Comments
