Davao de Oro – Ipatuman sa tanang opisina sa gobyerno sa probinsya sa Davao de Oro, ang 4 days work gikan adlaw’ng lunes hangtud Huwebes sa mga lugar nga gipailawom sa General Community Quarantine (GCQ), pinasikad sa Civil Service Commission (CSC) Memorandum Circular 10 series of 2020.
Sumala ni Davao de Oro, Provincial Gov.Jayvee Tyron Uy, subay sa executive order 0034-2020, ang probinsya gipailawom sa General Community Quarantine mamahimo nang mag-operate ang mga negosyo apan kinahanglan tumanon gihapon, ang pagsuot og face mask, pag observe sa social distancing ug ubang health precautionary measures sa tanang pamatigayon aron magpabiling luwas ang publiko gikan sa hulga sa COVID-19.
Gitugotan usab ang mga publikong sakyanan nga makabyahe apan gidid-an sa paggawas sa ilang panimalay ang 18 anyos paubos ug 60 anyos nga edad.
Kinahanglang kuhaan ug temperatura sa ilang lawas ang tanang mga trabahante aron maseguro nga walay local transmission sa COVID-19.
RadyoMaN Jules Catisay
