Davao de Oro – Negatibo ang resulta sa gipahigayong swab test sa pamilya sa unang nagpositibo sa COVID-19 sa lungsod sa Nabunturan, migawas nga siyam kanila ang nag negatibo sa maong balatian.
Sumala sa sulat pamahayag sa Local Government Unit (LGU) Nabunturan, nga stable na ang kondisyon sa usa ka Overseas Filipino Worker (OFW) apan nagpabiling naka isolate aron masiguro nga dili na makatakod sa uban.
Gipasabot nga bisan og negatibo ang resulta sa test sa pamilya, dili magkompiyansa ang publiko ug kinahanglan batasanon ang pagsul-ob sa face mask, hand washing, social distancing aron dili mataptan sa virus ang katawhan.
Dugang niini, gipasalamatan sa LGU Nabunturan ang publiko tungod sa ilang kooperasyon sa nagpadayong kampanya batok COVID-19.
RadyoMaN Jules Catisay
