Davao City- Gikondena ni Davao de Oro Governor Dorothy Gonzaga ang pagpamusil-patay sa iyang kauban sa buhat nga si Alvin Garcia kinsa kasamtangang kagawad ug magpapili untang kapitan sa Brgy. Camantangan, Montevista.
Sa Facebook post sa Governor, siya mapasalamaton sa abtik nga aksyon sa kapulisan ug kasundalohan nga naningkamot sa pag imbestiga sa krimen ug siya andam mutunol og reward sa kung kinsa man ang makatabang sa kasulbaran sa maong kaso.
Sa pakighinabi usab sa DXDC RMN Davao sa Montevista Municipal Police Station (MPS), nagapadayon pa ang ilang imbestigasyon aron tun-an ug sutaon ang tanang anggulo ug posibleng motibo sa krimen.
Gipanaad usab sa Davao de Oro Police Provincial Office nga muhatag ra sila og impormasyon sa publiko kung aduna na’y kalambuan ang kaso ug sa pagkakaron dili usa sila makahatag pa og detalye samtang nagapadayon pa ang imbestigasyon.
Facebook Comments
