Davao City – Subling nagpahinumdom ang Department of Health (DOH) XI sa padayong pagsunod sa 5s strategy o ang search and destroy mosquito breeding sites, self-protection o paggamit og insect repellents, seek early consultation sa pinakaduol nga health care facility, support fogging, spraying, and misting sa hot spot areas ug sustain hydration aron mabatukan ang dengue.
Kini human namatikdan ang pagsaka og 26% sa kaso sa dengue sa Davao Region sa first quarter sa 2024.
Atol sa Kapihan sa Bagong Pilipinas niadtong July 1, 2024 inubanan ni DOH XI Regional Director Dr. Annabelle P. Yumang, gipakita niini ang datos nga muabot sa kapin 9,000 ang kaso sa rehiyon onse karon kumpara sa 7,000 niadtong 2023 diin nag-una ang Davao del Norte ug gisundan sa Davao City, Davao del Sur, Davao de Oro, Davao Oriental ug Davao Occidental.
Gawas niini, nagpahimangno usab si Dr. Yumang sa mga sakit nga makuha karong ting-ulan sama sa Leptospirosis ilabi na karon nga adunay mga pagbaha ang nasinatian.
RadyoMaN Ivy Parido
Facebook Comments
