Davao City- Kapin 200 ka mga miyembro sa tribung B’laan nga nagpuyo sa Barangay Bulol Salo, Kimlawis ug Tacul, sakop sa musipalidad sa Kiblawan, Davao Del Sur, nakabenepisyo sa TUPAD ayuda nga gipasiugdahan sa LGU ug Department of Labor and Employment (DOLE- Davao Region).
Gawas niini, laing 50 usab ka IPs gikan sa Barangay Bangkal ug Asinan sa Matan-ao, Davao Del Sur lakip usab nga nahatagan og trabaho pinaagi sa TUPAD assistance.
Nasayran nga ang mga benepisaryo gikan sa Barangay Bulol Salo pa lang ang nakasugod sa ilang trabaho nga molungtad og napulo ngadto sa 30 diyas samtang ang ubang mga barangay magpaabot pa sa mando sa DOLE kon kanus-a sila makasugod og trabaho.
Nasuta nga ang Revitalized Pulis sa Barangay ubos sa kamanduan ni Davao Del Sur Provincial Mobile Force Company Commander Col. Darwin Taypin ang naningkamot aron muabot sa Provincial Government ug DOLE-XI ang kakulang sa panginabuhian sa mga nitibo sa maong mga balangay.
RadyoMaN Joel Viray
Facebook Comments
