Davao City – Nagapadayon karon ang pagtuon sa City Transport and Traffic Management Office (CTTMO) may kalabutan sa pag-organisa sa mga dispatchers kun barkers sa kadalanan sa syudad sa Davao.
Gibutyag ni CTTMO Chief Ret. Pol. Dionisio Abude nga iduso nila sa konseho ang paghimo sa tanang barkers nga opisiyal na street attendants.
Segun ni Abude nga sama kini sa mga Police Auxiliaries sa DCPO diin matag pwesto sa street attendants ubanan og personahe gikan sa CTTMO.
Sumala ni Abude nga sa ingon ani nga pamaagi, makatabang ang gobyerno nga mahatagan og tarong nga trabaho ang mga nasangpit.
Kahinumdoman nga miingon si Abude nga sagunson na ang reklamo sa ilang buhatan bahin sa maong mga barkers sama na lamang sa pagpanuko panahon nga dili hatagan og tip sa mga public utility drivers ug ang pang tsansing sa mga babayeng pasahero.
Dugang niini nga posible silang pasakaan og kaso kung gustohon sa mga mureklamo sama na lamang sa extortion alang sa mga drivers samtang acts of lasciviousness sa mga nabastosan.
RadyoMaN Jason Amisola
