Davao City – 70% sa mga delegados gikan sa Davao region ang nangabot na sa Vigan, Ilocos Sur alang sa Palarong Pambansa 2018.
Kini ang gikumpirma ni Department of Education kun Jenielito “Dodong” Atillo atol sa interview sa DXDC RMN Davao kaniya diin nagsugod nga nibayhe ang mga deleghados niadtong miaging adlawa.
Sumala ni Atillo nga sa kinatibuk-an anaay 557 ka mga atleta ang musalmot sa maong paugnat sa kusog.
Dugang sa tigpamaba nga mas maayo nga makaabot og sayo sa lugar ayha magsugod ang palaro karong Abril 15 alang usab sa kaayuhan sa mga atleta ug coaches.
Hinaut usab karon nga igo na ang pagbansay sa mga atleta nga gihimo sa Tagum City, Davao del Norte diin dili lang ingon skills ang gibansay apan gihatagan usab nilag pagtagad nga maka-hulma og team building ang mga atleta aron makasaka sa ranking karong tuiga gikan sa rank 7 sa miaging tuig sa Palarong Pambansa.
“Mao gyud na atong gidamgo, I hope nga enough natong training sa Tagum nga i-hone pa nga aana na nga skills sa atong mga kabataan, mao bitaw nga atong lupad dili ipit sa panahon because we wanted everybody to feel the area and the climate labi na sa playing venues, masinati nila ang mga anggulo kay importante kaayo na sa mga atleta ug coaches,” sigun ni Atillo.
RadyoMaN Renz Barbarona
