Taliwala sa ulan, nagparada ang kapin 9,000 ka mga atleta gikan sa 17 regions sa nasud, diin mipakita ang Davao Eagles sa ilang dance moves sa dihang opisyal nga gi-welcome ang delegasyon.
Sa interbyu sa DXDC RMN Davao kang Deony Ferolino, Davao City Division Sports Officer sa Palaro 2023, anaa sa maayong kahimtang ang mga atleta ug andam na sila nga mo-compete sa mga aktibidad, diin nanghinaut kini nga makahatag og dungog ang mga atleta pinaagi sa pagsakmit og gold medals ug pagsaka sa rank sa Davao Region gikan 11th place sa Palarong Pambansa 2019.
“Well-motivated na ‘ning mga bata (athletes) kay dako dako man gyud ang incentives. At least, ready na man pud sila for how many days na-train napud. Ready na gyud sila. Hopefully, maka-gold pud ‘ta. Positive lang gyud ‘ta nga maka-gold (medal),” matud ni Ferolino.
Matud sa sports officer nga anaa sa kapin 700 ang delagasyon gikan sa Davao Region lakip na niini ang Technical Working Group (TWG).
Nagpasalamat usab sila sa pag-ampo ug pagsuporta sa Dabawenyos alang sa Davao Eagles sa maong dakong aktibidad sa paugnat sa kusog.
RadyoMaN Kirby Manzon
