![WEBSITE-18-×-10-in-52.jpg](https://i0.wp.com/rmn.ph/wp-content/uploads/2024/07/WEBSITE-18-×-10-in-52.jpg?resize=696%2C387&ssl=1)
Sa exclusive interview sa DXDC RMN Davao kang Jenielito Atillo, spokesperson sa Department of Education (DepEd)-XI, dako ang iyahang pagpasalamat human nga gikan sa Rank 6 sa Palaro 2023, misaka kini og duha ka pwesto.
Subay sa final and official tally sa Palaro 2024, nahakot sa Davao Eagles ang 92 medals diin 32 niini gold, 25 silver ug 35 bronze. Nasayrang anaa lang sa 21 gold medals ang nakuha sa Davao Region niadtong 2023.
Gipasigarbo sab ni Atillo nga nasakmit sab sa delegado ang musunod nga mga award: 1st place sa Most Organized Delegation, 2nd place sa Best Billeting School, 2nd place sa Digital Engagement ug 3rd place sa Most Disciplined Delegation.
“Sa tanang taga Davao, taga Davao Region. Daghan, daghan, daghan kaayong salamat sa inyong suporta. Bisan naa kamo sa layo, ang inyong mga pag-ampo among nabati gayud dinhi, naghatag og kusog sa tanang atleta, coaches, chaperones, sa tanang miyembro sa atong delegasyon,” pagpasalamat ni Atillo.
Samtang, Rank 1 ang National Capital Region (NCR) nga dunay 238 medals, Rank 2 ang CALABARZON (IV-A) nga dunay 161 medals, Rank 3 ang Western Visayas (VI) nga dunay 137 medals ug Rank 5 ang Central Visayas (VII) nga dunay 110 medals.
RadyoMaN Kirby Manzon