Davao education campaign sa COVID vaccine giplastar na

27

Davao City – Ginamugna na karon sa City Government of Davao ang mga materyales alang sa Information, Education, and communication Campaign (IEC) alang sa pagbakuna batok Coronavirus Disease 2019 (COVID-19).

Matud ni Davao City Mayor Sara Duterte-Carpio, ginahimo na karon sa City Information Office (CIO) ang materyales o information drive labot sa vaccination aron nga masabtan sa katawhan kung unsa ang importansya sa pagpabakuna ug matubag ang ilahang mga pangutana.


“Naga develop ‘ta og IEC (Information, Education, and communication Campaign) materials sa pagbakuna. Ang instruction sa atong City Information Office (CIO) is make it into something dali ra masabtan sa mga tao,” segun sa Alkalde.

Matud ni Mayor Sara, daghan gihapon ang mga nahadlok nga magbakuna labi na kadtong taphaw ang pagsabot sa benepisyo sa pagpabakuna batok COVID-19.

Hinuon, giklaro sa Mayor nga boluntaryo gihapon ang pagpabakuna ug dili pugson ang usa ka tao ugaling mudili gihapon kini human mapasabot kaniya ang labot sa vaccination.

“Ang atong pagbakuna is voluntary. Kung mudili ka, dili gyud ka pugson nga bakunahan ka. The most nga mabuhat sa gobyerno is tubagon imong pangutana and i-explain sa imo og tarong (ang vaccination). Unya kung dili gihapon ka, dili ka mapugos,” tataw sa Alkalde.




RadyoMaN Kirby Manzon

Facebook Comments