Sa anunsyo ni Davao City Mayor Sara Duterte-Carpio (sa iyang official Facebook page), pinaagi sa Executive Order (EO) No. 6 Series of 2022, giwagtang na ang mga banned activities sa tanang barangay, local and national government offices, lakip na ang government-owned and controlled corporation nga nakabutang sa EO 69 Series of 2021.
“Kadtong mga prohibited face-to-face events sa EO 69 they are now allowed, and encourage sila sa hybrid or online events. But kung gusto nila face-to-face then allowed sila,” sulti sa alkalde.
Kini nagpasabot nga mamahimo na nga makapahigayon og F2F activities sama sa inauguration, anniversary, ribbon-cutting, blessing, turnover, ground breaking, launching program, press conference ug uban pang susamang aktibidad.
Samtang, sa pagpahigayon og F2F activities, gipahinumduman ang tanan nga istriktong sundon ang minimum public health standards batok Coronavirus Disease 2019 (COVID-19).
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
