Davao fire incidents misaka

Davao City – Misaka ang fire incidents sa syudad sa Davao sa unang duha ka bulan karong tuiga kun itandi milabay’ng tuig.

Sumala ni Bureau of Fire Protection 11 (BFP-XI) Public Affairs Chief Fire Inspector Cyrus Medina, misaka sa 41.4% kun 99 ka mga kaso gikan sa 70 ka mga natalang insidente niadtong tuig 2018.

Segun ni Medina, sagad kini mahitabo sa mga residential area diin adunay 43 ka mga kasao ang natala, misunod ang grass fire incidents nga adunay 21, walo ka mga rubbish fire ug unom ka mga sunog nga gikalambigitan sa mga behikulo samtang ang nahibiling 21 ka mga kaso nahitabo sa mga gambalay sama sa skwelahan, business establishments ug uban pa diin kini mosumada sa kapin P15.8-B kantidad sa damyos.


Gipasabot ni Medina nga dakong impact usab ang climate change nga nagapanghitabo karon.

Gani subay sa pag-abli sa bulan sa Marso isip Fire Prevention Month, gipahimangnoan niini ang publiko nga kung mamahimo bantayan ug kanunay magmaigmaton aron malikay sa sunog sama na lamang sa pag-ibot sa mga appliances kung dili ginagamit ingonman paglikay sa pagdaub.

Kahinumdoman nga gideklara ang bulan sa Marso isip Fire Prevention Month gumikan kini ang bulan sa sa pinakainit nga panahon ingon man ubay-ubay ka mga sunog ang matala niining bulana pinaagi sa gilagdaang Presidential Proclamation No. 115–A ni President Ferdinand Marcos kaniadtong November 17, 1966.

RadyoMaN Jason Amisola

Facebook Comments