Davao FM Pass ibalik

45

Davao City — Lain-lai’ng reaksyon ang gipaabot sa mga Davaoeños labot sa subling paggamit sa Food and Medicine (FM) pass dinhi sa syudad subay sa Executive Order No. 62 Section 3, VI sa City Government of Davao epektibo alas-5 sa buntag sa Nobyembre 17, 2020.

Matud ni Dan Carlo Torre nga makalolooy ang gagmay’ng negosyo tungod sa FM pass diin gamay nalang ang mga customer tungod kay kontrol na ang paggawas sa tao.


“Luoy mga gagmay na negosyo aning FM pass. Fighting pa gani ‘ron, tumbling na jud pag FM pass na pud, samot kagamay customer. Ayos! Salamat Mayor and IATF!,” reaksyon ni Torre.

Sumala usab ni Miguel Ryan Fruto, mas maayo ang pagbalik sa FM pass aron makontrola ang pagsulod sa mga establisyemento aron malikay sa Coronavirus Disease 2019 (COVID-19).

Subay sa EO, gamiton ang FM pass sa pagpalit og pagkaon ug medisina. Duha ka tao ang mabutang sa pass apan kinahanglang dili magdungan ang duha sa paggawas. Gawas sa FM pass, kinahanglang magdala og valid ID aron ma-verify ang identity niini.

Ang FM pass mga ‘dunay last digit 1, 3, 5, 7, 9 magamit lamang matag Lunes, Miyerkules ug Biyernes. Samtang ang ‘dunay last digit 0, 2, 4, 6, 8 magamit lamang matag Martes, Huwebes ug Sabado.




Ang FM pass maggamit lamang usab gikan alas-5 sa buntag hangtud alas-7 sa gabii, ug dili kini maggamit sa adlaw’ng Domingo.

RadyoMaN Kirby Manzon

Facebook Comments