Davao City – I-lift kun wagtangon na ang curfew ug paggamit sa Food and Medicine (FM) Pass dinhi sa syudad sa Davao nga pipila sa mga ginapatuman nga control measures batok sa COVID-19 (Coronavirus Disease 2019).
Sumala kang Davao City Mayor Sara Duterte-Carpio, aduna pa gihapoy quarantine ug kinahanglang magbaton og self-regulation ang mga tawo bisan og i-lift na ang curfew ug ang paggamit sa FM pass.
“For our MGCQ, i-lift nato ang food and medicine (FM) pass then i-lift pud nato ang curfew. Ngano nato kinahanglan nato i-lift and FM pass and ang curfew? It’s because we want people to self-regulate,” segun sa alkalde.
Gibutyag sa Alkalde, epektibo sa Lunes (August 3, 2020) pinaagi sa Executive Order (EO) nga ipagawas sa City Government of Davao sa mga kabag-ohan nga ipatuman sa syudad sa health protocols.
Gipasabot ni Mayor Sara, mag-agad gihapon kini sa dagan sa COVID-19 cases sa Davao diin magpabiling ipailawom sa Modified General Community Quarantine (MGCQ) ang syudad human mi-apela na usab ang Alkalde sa Inter-agency Task Force (IATF) sa quarantine classification sa Davao City.
RadyoMaN Kirby Manzon
