Davao City – Gipailawom na sa General Community Quarantine (GCQ) ang Davao City sugod alas-12:01am May 16 adlawng Sabado hangtud 11:59pm sa May 31 human sa usa ka bulang naka-Enhanced Community Quarantine (ECQ).
Gipasidan-an ni Davao City Mayor Sara Duterte, ang katawhan nga mas daghan lang ang industriyang pweding mangabli aron makabalik og trabaho, apan nagpabilin ang gi-imposar nga quarantine rules ug ang makagawas lang sa panimalay kadtong essential ang mga katuyoan.
“GCQ doesn’t mean wala na ang problema, wala na ang sakit but GCQ kay General Community Quarantine so duna gihapoy quarantine. Katong mga mogawas katong mga for essential goods and services meaning muadto mo og doktor, muadto mo og dentista or mupalit mo og tambal, mupalit og pagkaon mao ra nay rason nga manggawas mo kung dili mo apil sa mga establishments nga allowed magtrabaho during a GCQ,”
Gipahimangnoan niini ang tanan nga bisan og giwagtang na ang clustering, likayan ang pag-adto sa Bangkerohan, Piapi ug Agdao Public Market nga adunay mga positibo sa COVID-19, mga malls ug tanang high risk areas. Ang mga gitugotang motrabaho sa GCQ kinahanglang i-presenta ang employees ID sa mga awtoridad.
Sa GCQ, 9:00pm hangtod 5:00am na ang bag-ong curfew hours, samtang exempted sa curfew ang mga workers.
RadyoMan Aimee Guinita
