Davao City – Gipailawom ni Mayor Sara Duterte ang entero Davao City sa community quarantine pinaagi sa gilagdaan niining Executive Order #10 Marso 15 adlawng Dominggo.
Ang maong mando hingpit gayod gipatuman diin sumala sa alkalde kini ang agresibo ug proactive nga aksyon sa lungsod sa nagkataas nga ihap sa natakbuyan sa Coronavirus Disease 2019 (COVID-19) cases sa Pilipinas.
Segun sa Mayor nga challenge gayod sa lungsod ang langan nga paggula sa mga resulta nga isumite pa ngadto sa Manila.
“We deemed it necessary to declare community quarantine in Davao City, dili na ta maghulat na naay magpositive for Covid-19 sa Davao City before ta magdeclare” segun niini.
Ilawom sa executive order nga sa community quarantine ang katawhan giwhag nga magpundo sa panimalay, mogawas lang og motrabaho, mupalit og pagkaon, medisina, molabay og basura o moadto sa ospital.
Mga tapuk-tapok, klase sa kindergarten ngadto post-graduate studies ang suspendido hangtud nga wagtangon na ang State of Public Emergency samtang suspendido ang tanang religious activities.
Mga empleyado gikan sa ubang probinsiya mamahimo gihapon nga mosulod sa Davao, apan muagi kinig screening procedure.
Gibutyag niiini nga ang gideklarang community quarantine one step away kini sa lockdown.
Matud sa mayor nga gipasabot sa usa ka infectious diseases expert nga iimposar ang lockdown kung adunay kumpirmadong kaso sa COVID-19 dinhi sa Davao.
RadyoMaN Aimee Guinita
