Sa interview sa DXDC RMN Davao kang Councilor Villafuerte, ang proponent sa maong ordinansa, gibutyag niya nga established man ang bullying law sa Pilipinas apan buot nilang pakusgan kini sa tanang lugar sa syudad sama sa tagsa-tagsang komunidad, trabahuan ug tulunghaan.
Subli usab kining nanawagan nga undangon na ang bullying human sa nahitabong paghunos sa kinabuhi sa 10 anyos nga batang lalaki sa Lacson, Calinan human matud pa gisungog nga walay ginikanan.
“I live with this saying nga in this world full of cruelties and sadness, always choose to be kind. Then sa mga ginikanan, ginaawhag nako nga unta kita ang mag-guide sa mga bata nga dili maayo ang magkantyaw-kantyaw. Ug sa mga eskwelahan ug workplaces, dapat i-make sure nila nga mag-undergo ang mga bullies ug victims sa counseling,” dugang pahinumdom sa konsehal.
Dugang pa nga kung kapila na mahitabo ang pagpang-bully ug wala gihapon maaksyunan sa concerned agencies, didto na musulod ang mga penalty.
RadyoMaN Ivy Parido
