Davao City – Nagkadaiyang lakang ang ginahimo karon sa otoridad gikan sa nagkalain-laing ahensya sa gobyerno aron masigurong luwas gikan sa bisan unsang hulga sa terorismo ang syudad sa Davao.
Sa AFP-PNP presser, usa sa mga gihisgutan sa maong forum mao ang aksyon karon sa otoridad subay sa nahitabong Sulu bombing niadtong miaging semana nga mipatay og kapin lima katao ug ubay ubay sab ang samdan.
Sumala ni Task force Davao Col. Consolito Yecla, gawas nga nagbilin ang taas nga alerto pinaagi usab sa hugot nga checkpoint sa entry points sa dakbayan, nakig koordinar usab sila sa maritime aron mabantayan ang seguridad sa coastline ilabi na gikan sa Sulu hangtod Samal.
Dugang ni Yecla nga naglusad usab sila og konsultasyon sa muslim community ingon man sa mga nanag iya og establishemento sa Davao aron matudluan unsay buhaton ug unsaon pagpagkgang sa terorismo.
Gani segun sa kumander nga nakatakda usab hisgutan sa mahitabong pulong sa mga security agencies sa Syudad ng posible nga pagpatumanbsa giingong “no jacket policy” sa checkpoints.
Samtang ang kapulisan nagpabiling alerto pinaagi sa pagbutang og dugang kapulisan sa pampublikong lugar.
Matud ni Police Regional Office XI spokesperson Police Major Jason Baria, nahatagan na og mando ang kadagkuan sa kapulisan sa rehiyon nga magdugang og personahe nga magbantay sa mga lugar diin dagsa ang tao.
Mao usab ang 10th Infantry Division Philippine Army diin sumala sa tigpamaba nga si Capt. Jerry Lamosao nga padayon ilang pagpangaylayp og impormasyon sa mga security officers sa mga establishemento aron mahibal-an ang systema sa seguridad.
RadyoMaN Renz Barbarona
