Davao ika-unom sa pinakataas nga kaso sa HIV/AIDS

Davao City – Sa tibuok Pilipinas, adunay mamatay matag adlaw gumikan sa Human immunodeficiency virus infection ug acquired immune deficiency syndrome (HIV/AIDS).

Kini ang gipamahayag ni Razz Catitipan sa Mindanao Aids Advocate Incorporated (MAAI-SPMC) atol sa nahitabong iSpeak Forum karong adlawa kinsa mibutyag nga ginauna usa nila og tambal ang mga infection una ang HIV mismo.

“For example kung pneumonia so tambal sa pneumonia, sa TB , tambal sa TB, treat the infection first before the HIV, kay dili man nato pwede i-complicate ang client,” saysay niini.


Gani dugang ni Precila Senoc sa Davao City Health Office (CHO) nga pinaagi sa Anti-retroviral drugs ang ginahimong treatment alang kanila.

“Ang Anti-retroviral drugs helps in suppressing the virus to boost your immune system as well as to prolong life. It is not the cure, maintenance lang siya so kailangan adherent ang infected nito,” pasabot niini.

Dugang ni Senoc, adunay average nga 32 cases sa HIV dinhi sa Pilipinas diin dili lang factor ang pakighilawas apan lakip usab ang poverty, gender-issue ug economic factors.

Sa ilang record, nanguna ang NCR sa pinakataas nga kaso sa HIV diin aduna kiniy 32%, misunod ang Region 4A nga adunay 15% ug Region 3 nga adunay 9% diin ang Davao anaa sa pang-unom nga adunay 4% sama sa Region 12.

Sa Davao City, mokabat sa 2,330 cases sa HIV ang natala kaniadtong January 2018 diin padayon pa kining nagataas.

Dugang ni Senoc, nagataas ang ilang datos gumikan mas ginalapdan nila ang pagpahigayon og HIV testing sa mga establisimiento nga kaniadto dili nila maabot sama sa call centers.

Sa pagkakaron, aduna silay ginapahigayong information education kabahin sa HIV/AIDS diin anaa na sa 50 ka mga barangay ang nahuman gawas sa 182 ka mga barangay dinhi sa syudad sa Davao.

Gani, parehong giawhag ni Senoc ug Catitipan ang katawhan nga magpa-test aron maseguro nga luwas kita lakip ang adunay partners.

“Educate your friends, educate your love ones and let us stop the stigma,” awhag ni Senoc.

Ugmang adlawa, Mayo 18, 2018, adunay ipahigayong International AIDS candle lighting sa Rizal Park ning syudad aron i-komemorar ang katawhan nga namatay tungod sa maong sakit.

RadyoMaN Jason Amisola

Facebook Comments