Davao City – Dili aktwal nga delatado ang mga infrastructure projects denhe sa dakbayan apan gumikan sa kadaghan sa ihap nga gibubo sa nasudnong kagamhanan, nisangko kini sa senaryong nadugay og human ang mga nag-unang proyekto sama sa bypass roads project dinhi sa siyudad.
Gumikan sa kadaghan sa mga infras nga gigahin sa gobyerno dinhi sa Davao City karon langay usab ang pagtapos niini nga nakahuot og samot sa dagan sa trapiko sa dakbayan.
Segun ni Davao City 1st District Councilor Nilo Abellera Jr., ang pagkadelatar sa pagtapos sa mga proyekto dili kini tungod sa kahinay sa trabaho sa mga kontraktor inay sa kadaghang mga proyekto karon.
Dili pabor si Abellera nga multahan og inoras ang mga kontratista nga dili makahuman sa proyekto sa gitasal nga panahon kay dinha pa lang sa bidding makita na ang timeline sa proyekto.
Nagdumili ang konsehal sa pagtubag sa pangutana kun uyon ba kini o dili nga wad-on ang lowest bidding system apan alang kaniya, ang angay padaugon sa bidding process mao ang mga contractors nga adunay igong kredibilidad ug adunay maayong reputasyon sa mga proyekto sa gobyerno.
RadyoMaN Joel Viray
