Davao City- Mas gipahugtan pa sa Davao International Airport (DIA) ang seguridad subay sa bomb threat post nga nikuyanap sa social media.
Sa interbyu sa RMN Davao kang Rex Obcena, manager sa Civil Aviation Authority of the Philippines Davao (CAAP-Davao) adunay mga target hardening measures nga gihimo sa DIA ug matag threats ilaha gayod ginaseryuso aron masiguro ang safety sa publiko.
Gipang-recall niini ang tanang securities aron sa pagpakusog pa sa pwersang mubantay sa airport.
Nangayo’g pagsabot si Obcena sa publiko nga mas hugtan pa ang screening sa tanang musulod nga pasahero ug dugang layers pa sa mga personaheng magbantay sa DIA.
Adunay serye sa kolaborasyon ang CAAP Davao ug nagkadaiyang security forces sa pagtinabangay nga ma-secure ang safety sa katawhan.
RadyoMaN Aimee Guinita
Facebook Comments
