Davao ipailawom sa Enhanced Community Quarantine

1477

Davao City – Ianunsyo ug magpagula ang City Government of Davao og Executive Order kung kanus-a ipailawom ang syudad sa Enhanced Community Quarantine (ECQ).

Gibutyag ni Davao City Mayor Sara Duterte, buot sa mga doktor karon nga mas pahugtan pa ang quarantine sa syudad tungod sa low compliance sa publiko sa ginapatumang control measures batok sa coranavirus disease 2019 (COVID-19).


“Nag-ingon ang doktor nga dili daw maayo ang compliance sa control measures nga atong ginapahigyon. Daghan daw gihapong mga tao nga nagsuroy-suroy, daghan gihapon kaayong mga tao nga nagtapok-tapok and walay social distancing, duna gihapuy mga tao nga hangtod karon gahi’g ulo dili gihapon magsuot og masks,” saysay sa alkalde.

Gipaniguro sa mayor nga mahiluna usa ang mga gikinahanglan sama sa rasyon, libreng sakay alang ngadto sa mga tugutan lamang nga mga sektor nga mutrabaho panahon sa ECQ ug mahatag sa kapin 500K ka mga households ang Food and Medicine (FM) pass ayha ideklara ang ECQ.

Subling panawagan ni Mayor Sara sa tanan nga dili mag-panic inay kinahanglang sundon ang mga mando sa mga doktor aron mabatukan ang makamatay nga balatiang COVID-19.

RadyoMaN Aimee Guinita

Facebook Comments