Davao City – Ilusad ugmang adlawa ang usa ka job fair nga pagapangunahan sa Public Employment Service Office (PESO) Davao ug Department of Labor and Employment kun DOLE XI sa koordinasyon sa opisina ni Davao City 3rd district councilor Petite Principe.
Magsugod ang maong job fair alas 8 sa buntag kutob alas 5 sa hapon nga himuon sa Gaisano Mall Toril ning syudad sa Davao diin daghang nakalinyadang local ug overseas job ang itanyag.
Pahinumdum sa PESO Davao ngadto sa mga interesadong aplikante nga magdala og resume o biodata, photocopy sa TOR ug ubang school records, certificate of employment ug passport alang sa overseas applicants.
RadyoMaN Renz Barbarona
Facebook Comments
