Davao City- Gibarugan ni Ben Tesiorna, usa ka journalist ug usa sa mga admin sa Davao Breaking News Page nga authentic ug validated ang gipost niini nga mga offshore bank accounts ni Senator Antonio Trillanes IV subay sa alegasyon ni Presidente Rodrigo Duterte.
Sa gihimong interview sa Davao media, gisulti ni Tesiorna nga adunay katungod nga mupasaka og kaso si Trillanes apan iyang giklaro nga gibuhat lamang niya ang iyang trabaho isip usa ka journalist sa pagpublikar sa mga alleged secret foreign accounts sa senador.
“Tong gipakita niya (Trillanes) nga fake, those are the typewritten nga wala namo gipost sa website so two different things, ang gipost namo mao ang authentic bank documents nga naay stamp nga gidawat ang 50 dollar deposit under the name of Trillanes, so yun, so what’s fake news about that?” pangutana ni Tesiorna.
Gawas kang Tersiorna, plano usab ni Trillanes nga mupasaka og libel case batok ni Communications Assistant Secretary Mocha Uson ug broadcaster Erwin Tulfo human gipost usab nila sa ilang mga personal facebook pages ang mga alleged bank accounts ni Trillanes.
Kasamang Renelyn Barbarona
