Davao City – Dili sumala pa grabe nga makaapekto sa Davao region ang mga kusog nga pag-ulan human sa deklarasyon sa Philippine Atmospheric, Geophysical and Astronomical Services Administration (PAG-ASA) sa pagsugod sa ‘rainy season’.
Sa interbyu sa DXDC RMN Davao kang Leslie Francisco, spokesperson sa Office of the Civil Defense (OCD)-XI, gibutyag niini nga mas maapektuhan sa rainy season ang mga lugar nga makonsiderang Type 1 climate nga mao ang mga lugar nga sagad nahimutang sa mga area sa Luzon.
“Ang climate type 4, ang Davao region, ang gina-expect nato nga kusog nga pag-ulan later quarter of the year. Dinha na ang ginatawag nato nga weather disturbances,” tawtaw ni Francisco.
Dugang pa ni Francisco nga sa bag-ohay lamang gipahigayong 2nd quarter meeting sa regional Disaster Risk Reduction and Management Council (DRRMC), gikumpirma sa PAG-ASA nga aduna gihapoy parte sa Davao region nga makasinati og dry spell apan dili na susama ka grabe sama sa nakalabay nga mga bulan.
RadyoMaN Kirby Manzon
