Davao City- Makig-alayon ang lokal nga gobyerno sa Davao sa Department of Foreign Affairs (DFA) sa pagsuta sa ensaktong ihap kun gidaghanon sa mga taga-Davao nga atua nanimpalad karon sa war-torn regions sa Iran ug Iraq.
Gibutyag karon ni Davao City Mayor Sara Duterte-Carpio atol sa press briefing nga wala pay ensaktong figure kung pila ang mga nanimuyo ug nanarbaho sa Tungang Sidlakan nga labing naapektuhan sa krisis tungod sa nagpadayong tensyon tali sa America ug Iran.
“Unfortunately, wala ‘tay figures sa Iran ug Iraq nga mga Davaoeños nga working, but we shall endeavor to ask DFA kung duna ba silay regional breakdown sa residences o sa mga employees nga naa didto,” pahayag sa mayor.
Gibutyag usab sa City Chief Executive nga andam ang syudad kung aduna may manguli nga mga Pinoy workers gikan dinhi sa Davao.
Sa pagkakaron, itugyan niini sa national government ang proseso sa repatriation para sa mga apektadong OFWs.
“Since ang mag process sa ila from that country up to kung taga asa sila nga city or province is ang national government, unahon sa nato ‘to tanan kung unsa man ang benefits, projects and services nga gi-andam sa ilaha from the national government and after that we’ll catch them dinhi na sa Davao City kung duna may muuli,” sumala sa mayor.
RadyoMaN Aimee Guinita
