Davao City – Padayong ipatuman sa Davao City Police Office (DCPO) ang liquor ban human kini gi-extend hangtud Disyembre 31, 2021 subay sa Executive Order (EO) No. 37 Series of 2021 nga gipagula sa City Government of Davao.
Sa interbyu sa DXDC RMN Davao kang Police Colonel Kirby John Kraft DCPO Director, gisaysay niini nga padayong suportahan sa DCPO ang maong direktiba dungan usab sa paglugway sa curfew sa susamang period.
“Bilang mga law enforcers po ay all out support po kami dito. Ipapatupad po natin ito hanggang December 31,” sulti ni Kraft.
Subay sa EO, epektibo ang liquor ban sa tanang pampublikong lugar 24 hours matag adlaw. Samtang ang curfew hours sa tanang pampublikong lugar epektibo gikan alas 9:00 sa gabii hangtud alas 4:00;sa kaadlawon gawas lang sa mga nagtrabaho o nagnegosyo sa maong oras.
RadyoMaN Kirby Manzon
