Davao City – Hugot nga security measures ang gipatuman karon sa Maritime border sa syudad sa Davao aron malikayan nga makasulod ang Coronavirus Disease 2019 (COVID-19) Delta variant.
Matud ni Dr. Michelle Schlosser, Spokesperson sa Davao City COVID-19 Task Force (sa interbyu sa city-owned radio), nga nagbaton sila og panagpulong kun meeting uban ang security and safety clusters nga gilangkuban sa Armed Forces of the Philippines (AFP), Maritime Police ug Task Force Davao (TFD) aron nga masigurong maprotektahan ang border sa land, air labi na ang sea border sa dakbayan.
“One of their initiatives is to make sure gyud nga alam nila tanan ang movement especially sa atoang Maritime kay naa man gud ‘tay mga vessel nga from different countries. Although wala ‘ta nagatanggap og vessel nga naay tao but naay mga vessel nag-abot because of the commodities,” sulti ni Schlosser.
Gibutyag usab sa opisyal nga adunay pipila ka mga seaport sa syudad ang wala una gipa-operate sa kasamtangan aron malikayan nga makasulod ang COVID-19 Delta variant labi na gikan sa mga nasud sama sa Malaysia ug Indonesia nga na-tag nga high-risk sa maong mas makatakud nga matang sa virus.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
