Davao City – Mamahimong dili na apilon sa martial law coverage ang mga lugar nga walay gubot aron dunay mga magpapatigayon ilabi na langyaw’ng investors nga magbutang sa ilang negosyo ug mohatud sa kalamboan sa atong dapit.
Sumala ni former Senate President Aquilino ‘Nene’ Pimentel, Jr. angayan lamang nga dili na ilakip ang mga syudad nga walay gubot tungod kay aduna man puy gipatumang sufisyenteng seguridad.
Kahinumdoman nga gilaraw karon ni Davao City Mayor Inday Sara Duterte-Carpio nga dili na apilon sa landong sa balaud-militar ang syudad sa Davao nga gipatuman karon sa entero isla sa Mindanao bunga sa mga hulga sa terorismo ingon man sa dugoong ‘Siege of Marawi.’
Giklaro usab sa kanhi lider sa Senado nga target gayud sa mga dautang elemento nga sudlon ang usa ka lugar nga walay martial law, apan aduna man kitay igong presenteng mga panagang niana aron mapugngan ang pagsilaob sa kaguliyang.
RadyoMaN Bernard Pantallon
