Davao City – Aprubado ubos sa suspended rules sa 19th City Council ang resolusyon sa pag-request kang Presidente Rodrigo Duterte nga wagtongon ang baload militar sa Davao.
Sa interbyu sa mga tigbalita kang Committee on Peace and Order and Public safety chair Councilor Ma.Belen Acosta nga kini subay sa request usab ni Davao City Mayor Inday Sara Carpio.
Matud ni Acosta nga hulaton na lamang karon ang tubag sa pangulo sa request sa lokal nga panggamhanan sa Davao.
Nanghinaot ang konsehala nga una pa man ang mga highlight events sa Kadayawan maaprubahan kini.
Gitin-aw ni Acosta nga wala nagpasabot nga kung wala na sa Martial law ang Davao luag na ang seguridad sa lungsod.
Subay niini, napasar ubos gihapon sa suspended rules ang resolusyon sa pagdeklara San Pedro Square silbing usa ka Maximum Security Zone.
Dinhi hugot nga i-obserba sa tanan ilabi na ang ‘No Backpack Policy’, ‘No Jacket Policy’ ug uban pang mga safety measures sa mga AFP ug PNP.
RadyoMaN Aimee Guinita
