Davao City – Gipaabot na lamang sa City Government of Davao ang tubag sa Inter-Agency Task Force (IATF) sa apelar sa lokal nga gobyerno nga ipailawom sa General Community Quarantine (GCQ) ang dakbayan.
Gianunsyo ni Department of Interior and Local Government (DILG) Secretary Eduardo Año, IATF Vice Chair nga extended ang Modified Enhanced Community Quarantine (MECQ) status sa Davao City hangtud sa Hulyo 31, 2021.
Niadtong Martes (Hulyo 13, 2021), gipadala na sa Local Government Unit (LGU) Davao ang request letter sa IATF diin una nang gibutyag ni Davao City Mayor Sara Duterte-Carpio nga himuon niining argumento o rason mao ang mga lakang nga ginahimo karon o ang Coronavirus Disease 2019 (COVID-19) response sa syudad sama sa testing, contact tracing ug ang nagpadayong vaccination program.
Ubay-ubay usab ka mga Davaoeños ang wala mipabor sa MECQ extension labi na nga aduna gihapoy mga kompanya ug mga trabahoan nga wala ginatugutan sa pag-operate ilawom sa mas hugot nga quarantine status samtang dili igo ang ayuda nga ginahatag sa gobyerno panahon sa MECQ.
RadyoMaN Kirby Manzon
