Davao motel mutanyag og akomodasyon sa displaced health workers

39

Davao City – Misugot karon ang usa ka pribadong establisyemento partikular na ang usa ka motel dinhi sa syudad sa Davao nga tugotan ang mga health workers nga gamiton ang ilang puy-anan isip temporary shelter.

Kini human nga adunay mga health workers nga gipahawa sa ilang mga dormitories tungod na usab sa ilang trabaho nga ‘expose’ kanunay sa mga pasyente sa Coronavirus Disease 2019 (COVID-19).


Sa interbyu kang Davao City Mayor Sara Duterte-Carpio sa Davao City Disaster Radio, gibutyag niini nga aduna nay mitubag nga establisyemento human niini gihangyo si vice mayor Sebastian Duterte nga istoryahon ang nahisgutan labot sa maong sitwasyon.

“Akoang gihangyo ang atoang vice mayor Baste nga istoryahon ang mga motels. So nisugot daw ang ‘Oh, George!’ nga maghatag og mga units for our nurses nga na kick out sa dorm,” saysay ni Mayor Sara.

Dako usab ang pagpasalamat sa mayor sa maong positibong tubag sa establisyemento aron matabangan ang sitwasyon karon sa mga health workers.

RadyoMaN Kirby Manzon

Facebook Comments