Davao City – Mokabat sa 10,000 ka mga relief goods ang gikatakdang itunol sa City Government of Davao alang sa mga apektadong mga pamilya human nga nilampurnas si Bagyong Ompong niadtong nakalabayng semana.
Sukad niadtong Dominggo, kapin 70,000 ka mga pamilya o 270,000 ka tao ang na-displaced sa Northern Luzon.
Gipasalig ni Davao City Mayor Inday Sara Duterte-Carpio nga nakaandam ang lungsod sa pagtabang sa mga nanginahanglan.
“Davao City and the Dabawenyos are always willing and ready to help other provinces in times of calamities,” sumala sa alkalde.
Gibutyag ni CMO Chief of Staff Atty Raul Nadela nga ila ng gisugdan ang repacking sa mga relief goods ug sugdan kini’g distribute ugma adlawng Martes.
Sa interbyu sa RMN Davao kang City Disaster Risk Reduction Management Council chief Emmanuel Jaldon nga itunol ang mga bugas ug canned goods partikular na Probinsya sa Cagayan ug Isabela sa Rehiyon II Cagayan Valley.
Segun ni Jaldon katambayayong nila ang mga militar ug kapulisan sa maong lugar aron mutabang sa pag apod-apod sa maong mga hinabang sa mga biktima sa bagyo.
Samtang sumala ni PSSCC chief Benito De Leon hitsas ang AFP ug PNP dinhi sa Davao kung manginahanglan man og mga personahe sa paghatag sa mga ayuda sa mga apektadong mga probinsya.
RadyoMaN Aimee Guinita
