Davao City – Pabiling gipailawom sa General Community Quarantine (GCQ) with heightened restrictions and probinsya sa Davao Occidental samtang anaa gihapon ilawom sa Modified Enhanced Community Quarantine (MECQ) ang munisipalidad sa Malita.
Sa interbyu sa DXDC RMN Davao kang Oscar Casaysay, Provincial Information Officer sa Davao Occidental, gibutayag niini nga kini ang nahimong desisyon sa Provincial Inter-Agency Task Force (PIATF) labi na nga aduna gihapoy natala nga COVID-19 cases sa lugar partikular na sa Malita apan dako’g tabang sa pogkontrola sa kaso ang pagpatuman sa suspensyon sa public transportation.
“The whole province (Davao Occidental) remains with GCQ with heightened restrictions, except for Malita, MECQ. (Sa) Malita, naa na siyay trend of going down (sa COVID-19 cases) but then again, dili gihapon namo siya masulti nga conclusive na gyud siya nga data pero naarang-arang ang kahimtang,” sulti ni Casaysay.
Matud ni Casaysay nga istrikto gihapon ang ginapahigayong checkpoint o border restrictions pasulod sa Davao Occidental ug padayong gipatuman ang Executive Order (EO) No. 23, Series of 2021 diin pipila sa guidelines mao ang pag-require og negative RT-PCR (reverse transcription-polymerase chain reaction) result (72 hours prior to entry) alang sa mga non-residents, non-workers sa Davao Occidental, Locally Stranded Individuals (LSIs), ug Returning Overseas Filipino (ROF).
As of September 27, 2021 (8:00PM), nanguna gihapon ang Malita sa COVID-19 cases itandi sa ubang munisipalidad sa probinsya diin sa maong adlaw, anaa na sa 1,129 ang total COVID-19 cases samtang anaa sa 195 ang total active cases.
RadyoMaN Kirby Manzon
