Davao City – Hitsas na ang Davao Occidental Police Provincial Office alang sa taliabot nga May 14 Barangay ug SK Elections.
Gibutyag ni Davao Occidental PPO Director Senior Supt. Thor Cuyos generally peaceful ang iyang area of responsibility ug ilang gipaningkamutan nga mamentenar ang kahusay ug kalinaw sa ilang lugar hangtod matapos ang eleksyon.
“Sa karon matawag natong 90% nata nga ready, ang ato nalang mang kulang man gyod ang election period nalang. As to the implementation of the security naa naman tay na-program and also sa coordination sa mga local agencies,” sumala ni Cuyos.
Matud niini naka-full alert ang tanang kapulisan sa Davao Occidental ug walay matugutang mag-leave atol sa adlaw sa piniliay.
Giseguro usab nila nga luwas ang tanang Board of Election Inspectors ug secure usab ang tanang mga ballot boxes ug mga election paraphernalias.
RadyoMaN Aimee Guinita
