Davao City – Nabalaka karon ang usa ka Overseas Filipino Worker (OFW) sa Hong Kong labot sa sitwasyon karon sa maong nasud tungod sa 2019 Novel Coronavirus (nCoV).
Sa interbyu sa DXDC RMN Davao kang Nova Vyl Bantilan, taga Compostela, Davao de Oro, nga bag-o lang nakauli sa Pilipinas, nga problema gihapon ang mask sa Hong Kong diin wala nay mapalitan sa lugar.
Saysay ni Bantilan nga gipa-alerto usab ang mga tawo sa lugar human nga aduna sumala pay naga recycle sa mga mask o paglimpyo sa mga mask nga gilabay na ug ibaligya pagbalik.
“Ang mask kay wala nay mapalitan pati sa mga Chinese dispensary store. Ang pinaka worst, kay gi-recycle sa uban. Gilabay na nga mask gihugasan, gipauga, gibaligya,” saysay niini.
Nasayran nga nagdeklara na ang Hong Kong og state of emergency tungod sa natala na usab nga kaso sa nCoV sa ilang nasud.
RadyoMaN Kirby Manzon
