Davao City – Gipahibalo karon sa usa ka Overseas Filipino Worker (OFW) sa Middle East partikular na sa Saudi Arabia nga dili angay mabalaka ang ilang mga kabanay sa Pilipinas luyo sa tensyon sa Iran ug Estados Unidos.
Sa interbyu sa DXDC RMN Davao kang Rey Danila, taga Compostela, Davao de Oro ug mag tulo ka tuig nang nagtrabaho sa Riyadh, Saudi Arabia, gibutyag niini nga normal pa ang sitwasyon sa lugar.
“Ayaw mo’g kabalaka diha tungod sa nahisgutang tensyon about sa Iran batok sa Amerika. Walay problema diri. Normal lang ang Saudi Arabia karon,” saysay ni Danila.
Nasayran nga daghang mga kabanay sa OFW sa Saudi ang nabalaka sa sitwasyon tungod sa posibleng kagubot sa nahisgutang tensyonadong mga nasud.
RadyoMaN Kirby Manzon
Facebook Comments
