Davao City – Gikinahanglang obserbahan sa mga mga bisita ug delegado nga mosulod sa dakbayan sa Davao ang mga ordinansa sa syudad.
Matud ni Sports Development Division- City Mayor’s Office chief Michael Denton Aportadera nga andam ang lokal nga panggamhanan sa dakbayan sa Davao sa pag implementar sa ordinansa og hugot nga seguridad sa katawhan ug mga delegado gikan sa nagkadaiyang lungsod ug munisipalidad.
Dugang ni Aportadera nga dili kini angay kabalak-an sa mga bisita ug delegado kay adunay mga listahan sa mga ordinansa kun leaflets nga gi apod-apod sa CTTMO ngadto kanila diin matud pa ang anti smoking policy ug jay-walking ang mga nag unang ordinansa nga kinahanglan obserbahan.
Gani nagpahinumdom usab si Department of Education kun DepEd XI Jenielito Atillo nga respetuhon ang balaod tungod walay bisan kinsa ang mulabaw niini.
Sa pikas bahin, mipasalig si nga tagaan og sulbad ang nagkalain-laing suliran sa mga atleta ilabi na sa mga nag-advance party nga niapil sa Davao City Athletic Association kun DAVRAA meet 2018.
Kabahin kini sa mga concerns nga nanggawas mahitungod sa accommodation ug kakulangon sa tubig sa kasamtangang gipuy-an sa mga atleta sa DAVRAA.
Sumala ni Aportadera nga adunay mga pipila ka mga skwelahan nga dili mahatagan og dagkong pressure sa tubig ilabi na sa kadaghan sa nagagamit hinungdan nga ang lokal nga panggamhanan naghatag og dugang nga mga dagkong tangke sa tubig aron masulbad ang suliran.
Samtang si Department of Education kun DepEd XI spokesperson Jenielito Atillo miingon nga usa sa mga solusyon aron masulbad ang maong suliran mao ang pagimplementa og scheduling sa pagligo sa mga atleta.
JMC interns (Ka Mai, Michael Marcial)
