Davao City – Nangayo og kooperasyon ang otoridad sa Davao Oriental ngadto sa publiko sa ipatumang 14 ka adlaw nga Enhanced Community Quarantine (ECQ) sugod September 8 hangtud September 21, 2021 tungod sa nagkataas nga kaso sa Coronavirus Disease 2019 (COVID-19) sa probinsya.
Sa interbyu sa DXDC RMN Davao kang Police Colonel Efren Orlina, Director sa Davao Oriental Police Provincial Office, gibutyag niini nga subay sa gihimong emergency meeting uban si Dr. Reden Bersaldo, Provincial Task Force (PTF) on COVID-19 Action Officer, gipasabot niini nga kinahanglang mahatagan og ‘break’ kun pahuway ang mga healthcare workers ug matutokan ang mga kasamtangang COVID-19 patients nga ilang ginaatiman.
Sa pagkakaron, wala pa napuno ang mga ospital ug mga isolation facilities sa probinsya apan ang pagpatuman sa ECQ ang gitan-aw nga solusyon aron kalikayan ang sitwasyon diin lisod na nga ma-cater ang mga pasyente sama sa nahitabo sa ubang lugar.
“We are anticipating for the worse. Not necessarily, we are now on the state of worst scenario. Ang sabi lang naman po ni Dok (Bersaldo), kaya pa natin ito… we have also to take care our frontliners lalo na po itong mga doctors natin, nurses na sila talaga ‘yung napapalaban,” segun ni Orlina.
Mipakita usab og suporta ang mga chief executives sa matag Local Government Unit (LGU) sa probinsya sa pagpatuman sa duha (2) ka semana nga ECQ.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
