Gibutyag ni Davao City Mayor Sara Duterte-Carpio (atol sa livestream interview sa iyang official Facebook page), bisan og niubos na ang kaso sa Coronavirus Disease 2019 (COVID-19) sa syudad ilawom sa COVID-19 Alert Level 1, itukod gihapon ang planta tungod kay giplano na kini.
“Ang (Davao City) Oxygen plant, madayon gihapon na siya. Dili man tungod kay nagababa atoang mga cases (sa COVID-19), dili na gihapon ‘ta mangandam sa sunod nga posibleng surge or sa sunod nga pandemic,” sulti sa alkalde.
Gidugang ni Mayor Sara, bisan og mahuman na ang COVID-19 pandemic, gamiton isip economic enterprise ang Oxygen plant. Gipasabot sa Mayor, mag-negosyo og Oxygen ang Local Government Unit (LGU) nga magamit gihapon sa mga manginahanglan niini.
RadyoMaN Kirby Manzon
