Davao City – Padayong ulanon ang syudad sa Davao ug mga kasikbit nga lugar niini sa musunod nga mga adlaw.
Sa pakighinabi sa DXDC RMN Davao kang Honey Perez sa Pag-asa Davao, ang maong pag ulan tungod matud pa sa Inter Tropical Convergence Zone kun ITCZ nga nakaapekto sa Mindanao.
Sumala ni Perez nga masinati pa ang mga pag ulan sa musunod nga duha ngadto sa tulo ka adlaw.
Subay sa lakat sa panahon nga gipagula sa Pag-asa, ang tibuok dapit sa Mindanao makasinati og mapanganuron nga kalangitan inubanan sa katag-katag nga pag ulan kilat ug pagpanalugdog tungod kini sa ITCZ.
Hinay ngadto sa kasarangan ang hangin ug magagikan sa sidlakan ngadto na sa amihanang sidlakang direksyon ug hapsay ngadto na sa kasarangan ang pagbalud sa kadagatan.
Padayong nagpahinumdom ang Pag-asa ngadto sa katawgan nga magdala og mga panangga sa ulan.
RadyoMaN Renz Barbarona
