Davao City – Naka full alert ang status sa syudad sa Davao batok sa mga dautang elemento bisan pa man wala pa mahitabo ang pagpamomba sa Jolo Sulu kagahapong adlawa.
Sumala ni Davao City Police Office (DCPO) spokesperson P/Sr. Insp. Ma. Teresita Gaspan, nagdugang sila og mga personahe nga magbantay sa mga pampublikong lugar ug gi-intensify ang intelligence monitoring ingon man mas gipahugtan ang checkpoints ug round the clock security measures aron walay makaipsot nga terorista.
Segun niini nga ginatutokan usab nila ang seguridad sa mga atleta subay sa pagpahigayon sa DAVRAA Meet 2019 dinhi sa dakbayan.
“Nagdugang tag personahe para mubantay sa tanang billeting quarters, playing venues ug tanang places of convergence kay uban mga delegates after sa pagdula kay manglaag sa mga malls,” matud ni Gaspan.
Gi-awhag usab sa opisyal ang publiko nga kanunay mag-igmat ug makigkoordinar sa pinakaduol nga police station ilabi na kung adunay mamatikdang kadudahang lihok.
RadyoMaN Jason Amisola
