Davao police matarong

Davao City – Gipasigarbo karon sa Davao City Police Office (DCPO) nga dinhi sa siyudad sa Dabaw hinlo ang imahe sa mga pulis gikan sa sinindikato nga buhat ug paglambigit sa pipila ka krimen.

Sumala ni DCPO Spokesperson Police Senior Inspector Maria Teresita Gaspan, walay undang ang pahinumdom sa pamunuan sa DCPO ngadto sa mga ginsakpan nga dili sambugan og binuang ang ilang serbisyo.

Positibo si Gaspan nga makatampo ang DCPO sa paningkamot sa nasudnong kapulisan diha sa paglimpyo sa ilang hut-ong gikan sa pipila ka mga police scalawags.


Dili pareho sa kaulohang Manila ug ubang dapit sa nasud, ang mga pulis sa siyudad nga nagbinuang sa trabaho diin sagad sa mga scalawags nalambigit sa kidnap-for-ransom ug iligal nga droga.

Apan dinhi sa dakbayan sa Dabaw, makapataas sa agtang ang puwersa sa kapulisan sa ilang integridad ug dignidad tungod sa ilang kalimpyo gikan sa salawayong buhat.

Usab gisilsil sa alimpatakan sa kapin usaka libo ka pulis sa dakbayan ang mga pahimangno sa ilang mga labaw labot sa pag-amping sa maayong imahe nga susi sa pagsalig sa katawhan ngadto kanila.

RadyoMaN Joel Viray

Facebook Comments