Davao City – Bisan kon dili kaayo apektado ang syudad sa Davao sa direktang epekto kun implikasyon sa US-Iran tension karon, gipaniguro sa Davao City Peace and Order Council (CPOC) nga andam kini sa tanang higayon.
Matud ni Sangguniang Panglungsod Committee on Peace and Order chair Councilor Mabel Sunga Acosta, nagpabiling anaa sa heightened alert status ang syudad.
“Continue ‘ta sa atong peacekeeping forces. Always naman ang Davao City is on high alert, whether or not may events na mangyayari,” dugang ni Acosta.
Segun sa konsehala, kanunay nga musuporta ang Davao LGU sa mga lakang sa national goverment ilabi na karon nga adunay direktiba si Pres. Rodrigo Duterte sa mga awtoridad nga mangandam alang sa repatriation kun evacuation sa liboan ka mga Pilipinong anaa karon nag-estar kun nanimpalad sa Middle East.
RadyoMan Aimee Guinita
