Davao City – Duha ka semana na lamang una ang kalagkalag gisugdan na sa Davao City Economic Enterprise (CEE) uban ang CENRO ang pagpanglimpyo sa mga sementeryo sa syudad.
Sa Davao City adunay siyam ka mga pampublikong sam-ang ug upat niini ang pinakadako nga mao ang Lubogan, Maa, Tibungco ug Wireless Cemetery.
Segun ni CEE Cemetery Chief Joseph Fernandez, sobra na sa 100,000 ka mga lubong ang anaa sa siyam ka mga pampublikong sementeryo.
Karong semanaha usab plano sa maong opisina nga magbutang na og submersible pump sa Panacan Cemetery diin dakong perwisyo ang tubig baha sa maong lugar.
Nanawagan si Fernandez sa publiko nga aron dili maipit o magkaproblema pananglitan mangawala ang mga lubong sa ilang mga kabanay sayuhon kini og bisita.
Gipasabot ni Fernandez nga dili na dayon dali nga matubag ang tanang mga concerns sa publiko kung atol pa mismo sa kalaglakag nila kini idangop.
Matud sa opisyal nga kung adunay may mga reklamo sama sa pagkawala sa lubong ug uban pa mamahimong muduol dayon sa mga caretakers o opisina sa mga sementeryo.
RadyoMaN Aimee Guinita
