Sa interbyu sa RMN Davao kang Manuel Duran, South Eastern Mindanao Diversified Drivers Operators Cooperative (SEMDDOC) Regional chair, gibutyag niini nga suportado nila ang panawagan diha sa pagbabag nga dili i-phase out ang mga PUJs apan dili nila isakripisyo ang mga commuters kansang labihang maapektuhan kung walay byahe sa kadalanan.
Matud ni Duran, mag-antos usab ang pamilya sa mga drivers kung walay kita kung dili kini mamasada.
Samtang, nanghinaot ang operator ug driver nga si Reynaldo Constantino, nga matagaan gayod og pagtagad ang mga PUJ drivers nga mawad-an og panginabuhian kung i-phase out na sila.
Matud niini sa pagpamasada lang og jeep nabuhi ilahang pamilya ug kini usab ang nagpaeskwela sa iyahang mga anak.
Nabalaka kini sa higayong mawad-an na siya’g source sa income kung walaon na sila diha sa kadalanan.
Sa datos sa SEMDDOC, mokabat sa 12,000 ka mga jeepneys ang gadagan sa syudad ug anaa sa 50,000 ang mga drivers.
RadyoMaN Aimee Guinita
